ჟენევის მოლაპარაკების 29 -ე რაუნდზე ძალის გამოუყენებლობის შესახებ არანაირი რუსული პროექტი არ განხილულა, - ამის შესახებ ჟენევიდან საქართველოში დაბრუნებულმა საქართველოს საგარეო საქმეთა მინისტრის მოადგილე დავით ზალკალიანმა ჟურნალისტებთან განაცხადა.
მისი თქმით, რუსეთის საგარეო საქმეთა მინისტრის მოადგილემ გრიგორი კარასინმა ძალის გამოუყენებლობის შეთანხმების გაფორმების საკითხი ორმხრივი მოლაპარაკებების დროს მართლაც დააყენა, თუმცა, საკითხი ჟენევის მოლაპარაკების ფორმატში არ განხილულა.
მოგეხსენებათ, უშუალოდ რაუნდის დაწყებამდე, ორმხრივი შეხვედრები მიმდინარეობს. ამ შეხვედრებზე კარასინმა წამოწია ეს საკითხი, თუმცა მყისიერად ჩვენი მხრიდან განემარტა, რომ ამაზე აქ საუბარი არ შეიძლება, რადგან ეს არის ჟენევადა ჟენევა ამ საკითხს არ ითვალისწინებს. არანაირი რუსული პროექტი იქ არ განხილულა. გვქონდა მსჯელობა თანათავმჯდომარეების მიერ წარმოდგენილ პროექტზე და არა რუსულ პროექტზე, როგორც ამას რუსეთის საგარეო საქმეთა სამინისტრო ამტკიცებს", - აცხადებს ზალკალიანი.
ზალკალიანის თქმით, ჟენევის მოლაპარაკების 29 -ე რაუნდზე ყველა საკითხი, რომელიც ამ ფორმატისთვის მისაღებია, სრულყოფილად განიხილეს,
შეგახსენებთ, გუშინ ამას რუსეთის საგარეო საქმეთა სამინისტრომ გავრცელა ინფორმაცია, რომ ჟენევაში ძალის გამოუყენებლობის შესახებ რუსულ ვარიანტზე იმსჯელეს. ამის მიზეზად კი ნატო-ს საწვრთნელი ბაზები დასახელდა, რომლის მშენებლობაც საქართველოში იგეგმება.