ქუთაისის საერთაშორისო აეროპორტი 43 %-ით მეტ მგზავრს მოემსახურა. სამოქალაქო ავიაციის სააგენტოს ინფორმაციით, 2014 წლის 9 თვეში ქუთაისის დავით აღმაშენებლის სახელობის საერთაშორისო აეროპორტის საშუალებით, მსოფლიოს სხვადასხვა მიმართულებით 178 ათას 688 მგზავრი გადაადგილა. ეს იმ ფონზე, როდესაც 2013 წლის 9 თვეში იმავე აეროპორტის მომსახურებით 125 ათას 324 მგზავრმა ისარგებლა, შესაბამისად ზრდამ 42,58%-ი შეადგინა. 2014 წლის იანავარ-სექტემბერში, 2012 წლის ანალოგიურ პერიოდთან შედარებით, ქუთაის საერთაშორისო აეროპორტის საშუალებით, 29097%-ით მეტმა მგზავრმა ისარგებლა. 2012 წლის 9 თვეში ქუთაისის საერთაშორისო აეროპორტი სულ 612 მგზავრს მოემსახურა.
შეგახსენებთ, რომ 2014 წლის 9 თვეში საქართველოს აეროპორტების მიერ გატარებულია 1 მლნ 579 ათას 360 მგზავრი, მაშინ როდესაც 2013 წლის ანალოგიურ პერიოდში აეროპორტებმა სულ 1 მლნ 403 ათას 200 მგზავრი გაატარეს, რაც იმას ნიშნავს, რომ ზრდა 12,55%-ია.