თბილისის საერთაშორისო აეროპორტში მგზავრთნაკადი 10 %-ითაა გაზრდილი. სამოქალაქო ავიაციის სააგენტოში აცხადებენ, რომ 2014 წლის იანვარ-სექტემბერში თბილისის საერთაშორისო აეროპორტის მომსახურებით 1 მლნ 216 ათას 198 მგზავრმა ისარგებლა, მაშინ როდესაც 2013 წლის ანალოგიურ პერიოდში თბილისის საერთაშორისო აეროპორტით 1 მლნ 107 ათას 167 მგზავრი გადაადგილდა, შესაბამისად ზრდამ 9,85%-ი შეადგინა. 2014 წლის 9 თვეში 2012 წლის 9 თვესთან შედარებით ქვეყნის უმთავრესი აეროპორტის მომსახურებით 29,92%-მა ისარგებლა.
შეგახსენებთ, რომ 2014 წლის 9 თვეში საქართველოს აეროპორტების მიერ გატარებულია 1 მლნ 579 ათას 360 მგზავრი, მაშინ როდესაც 2013 წლის ანალოგიურ პერიოდში აეროპორტებმა სულ 1 მლნ 403 ათას 200 მგზავრი გაატარეს, რაც იმას ნიშნავს, რომ ზრდა 12,55%-ია.
