საქართველოს აეროპორტების მიერ გატარებული მგზავრების რაოდენობა 13 %-ითაა გაზრდილი. სამოქალაქო ავიაციის სააგენტოს ინფორმაციით, 2014 წლის 9 თვეში საქართველოს აეროპორტების მიერ გატარებულია 1 მლნ 579 ათას 360 მგზავრი, მაშინ როდესაც 2013 წლის ანალოგიურ პერიოდში აეროპორტებმა სულ 1 მლნ 403 ათას 200 მგზავრი გაატარეს, რაც იმას ნიშნავს, რომ ზრდა 12,55%-ია. რაც შეეხება 2014 წლის იანვარ-სექტემბრის მაჩვენებლების შედარებას, 2012 წლის ანალოგიურ პერიოდთან, ამ შემთხვევაში ზრდა 47,29%-ია.
