საპარლამენტო უმრავლესობის სხდომაზე, რომელსაც ფრაქცია „ქართული ოცნების" თავმჯდომარე გიორგი ვოლსკი უძღვებოდა, ეკონომიკისა და მდგრადი განვითარების მინისტრის მოადგილემ, ქეთევან ბოჭორიშვილმა ,,აწარმოე საქართველოში" პროგრამის მიმდინარეობის შესახებ ინფორმაცია წარმოადგინა.
,,აწარმოე საქართველოში" არის ის პროექტი, რომელიც მაღალ შეფასებას იმსახურებს, როგორც ქართულ საზოგადოებაში, ასევე ჩვენი საერთაშორისო პარტნიორების, ექსპერტების მხრიდან და მოხარული ვართ, რომ სამინისტრომ ამ საკითხეზე სიღრმისეული ანალიზი მოამზადა. არის საკითხები, რომელიც ძალიან წარმატებულად წავიდა წინ. ამ პროცესში გამოვლინდა ცალკეული საკითხები, რომელიც გარკვეულ კორექტირებას საჭიროებდა და სამომავლოდაც დაისახა გარკვეულ ღონისძიებები, რომელთა თაობაზეც სამინისტრო წარმოადგებს პრეზენტაციას",-განაცხადა გიორგი ვოლსკიმ.
ეკონომიკისა და მდგრადი განვითარების მინისტრის მოადგილემ, ქეთევან ბოჭორიშვილმა უმრავლესობის წევრებს დეტალურად გააცნო სამთავრობო პროგრამის ,,აწარმოე საქართველოში" მიზნები და მექანიზმები, ასევე სამთვიანი მუშაობის შუალედური შედეგები.
,,ამ პროგრამის ფარგლებში შევხვდით არა ერთ მეწარმეს, როგორც თბილისში, ასევე რეგიონებში. მათ გაგვაცნეს სირთულეებიც, რამაც განაპირობა სხვა პროგრამების, სხვა ინსტრუენტების დანერგვა. აქედან გამომდინარე შეიქმნა სხვადასხვა პროგრამები, რომელიც ყველა სეგმეტის მეწარმეებზე იქნება მორგებული",-განაცხადა ქეთევან ბოჭორიშვილმა.
მისი განცხადებით, მცირე და შუალო ბიზნესი წარმოადგენს საქართველოში დარეგისტრირებულ კომპანიების 99%-ს რაოდენობრივად, რაც კარგი მონაცემია, თუმცა მცირე და საშუოლო ბიზნესის პროდუქტიულობისა და იქ დასაქმებულთა რაოდენობის ინდიკატორები გასაუმჯობესებელია.
,,სწორედ ამ მიზნით, რომ მცირე და საშუალო ბიზნესის განვითარებაზე იმუშაოს ეკონომიკისა და მდგრადი განვითრების სამინისტრომ, შეიქმნა "მეწარმოების განვითარების სააგენტო", რომლის მთავარი მისია გახლავთ საქართველოში მცირე და საშუალო ბიზნესების მხარდაჭერა, კონკურენტუნარიანი და სიცოცხლისუნარიანი მცირე და საშუალო ბიზნეს სექტორის შექმნა. "მეწარმოების განვითარების სააგენტოს" აქვს ორი ამოცანა: მეწარმეობის განვითარება და ექსპორტის ხელშეწყობა",-აღნიშნა ეკონომიკისა და მდგრადი განვითარების მინისტრის მოადგილემ.
მისი თქმით, სააგენტოს პირველი პროგრამა არის ,,აწარმოე საქართველოში", რომელიც პრემიერ-მინისტრის ინიციატივაა და მას კოორდინაციას უწევს როგორც ეკონომიკისა და მდგრადი განვითარების სამინისტრო, ასევე სოფლის მეურნეობის სამინისტრო, ხოლო იმპლემენტაციის დონეზე "მეწარმოების განვითარების სააგენტო" და ,,სოფლის მეურნეობის მართვის სააგენტო". "მეწარმოების განვითარების სააგენტო" ძირითადად იმუშავებს ფინანსებზე წვდომის ხელმისაწვდომობის გაუმჯობესებაზე და ტეკნიკურ, ანუ საკონსულტაციიო დახმარებაზე.
ქეთევან ბოჭორიშვილმა აღნიშნა, რომ პროგრამის "აწარმოე საქართველოში" მიზანია არა მხოლოდ დამწყები საწარმოების ხელშეწყობა, არამედ არსებული ბიზნესების გაფართოება.
ეკონომიკისა და მდგრადი განვითარების მინისტრის მოადგილის პრეზენტაციის შემდეგ, საპარლამენტო უმრავლესობის წევრებმა მას შეკითხვები დაუსვეს და საკუთარი მოსაზრებები გამოთქვეს. ზურაბ ტყემალაძემ აღნიშნა, რომ პროგრამის ,,აწარმოე საქართველოში" ფარგლებში რეალურად საუბარია ნახევარმილიარდიანი ბიზნესის ხელშეწყობაზე.
პროგრამა ,,აწარმოე საქართველოში" ივნისის თვეში დაიწყო და ამ დროისათვის ბანკების მიერ 12 პროექტია დამტკიცებული, რომელიც ინდუსტრიული მიმართულებითაა.
