ქართველ მეზღვაურებს მსოფლიოში დღეს მოქმედ სტანდარტების შესაბამისი პირადობის მოწმობები ექნებათ. საქართველოში მიმდინარე საზღვაო სფეროს რეფორმა დაკავშირებულია საერთაშორისო სტანდარტების დანერგვათან. აქედან გამომდინარე 2003 წლის 19 ივნისს შრომის საერთაშორისო ორგანიზაციამ 91-ე სესიაზე მიიღო კონვენცია „მეზღვაურების პირადობის მოწმობების შესახებ", რომელიც ამკვიდრებს მეზღვაურების პირადობის მოწმობების მსოფლიოში დღეს მოქმედ სტანდარტებს, რაც თავისთავად მსოფლიოს ნავსადგურებში მეზღვაურთა უპრობლემო შესვლის ერთ-ერთ მნიშვნელოვან წინაპირობას წარმოადგენს.
საზღვაო ტრანსპორტის სააგენტოს დირექტორის 2012 წლის 16 იანვრის N 001 ბრძანების შესაბამისად, საქართველოში დამკვიდრდა ის მოთხოვნები, რომლებიც ზემოაღნიშნული კონვენციით რეგულირდება (მეზღვაურის პირადობის მოწმობის ფორმის, დამზადების, გაცემის და გამოყენების წესი).
აღნიშნული კონვენციითა და სააგენტოს ბრძანებით განსაზღვრულია, რომ მეზღვაურის მოწმობა შედგება ხუთი ნაწილისაგან:
I ნაწილი შეიცავს მეზღვაურის პირადობის დამადასტურებელ მონაცემებს;
II ნაწილი შეიცავს მეზღვაურის შრომითი საქმიანობისა და ნაოსნობის სტაჟის შესახებ მონაცემებს;
III ნაწილი შეიცავს მეზღვაურის სამედიცინო დათვალიერების შესახებ ინფორმაციას;
IV ნაწილი „სასაზღვრო-საკონტროლო ორგანოების აღნიშვნებს"
V ნაწილი „შენიშვნებს";