დღეს, 9 ოქტომბერს 10:00 საათზე, სასტუმრო "დივანში" დეპარტამენტის ინიციატივით საქართველოს სხვადასხვა ქალაქში არსებული ტურისტული კომპანიებისა და რეგიონის ტურისტული სააგენტოების წარმომადგენლების შეხვედრაა დაგეგმილი. შეხვედრა ხელს შეუწყობს დედაქალაქისა და რეგიონების ტურისტულ კომპანიებს შორის ინფორმაციის გაცვლასა და თანამშრომლობის დამყარებას.
შიდა ტურიზმის განვითარების ხელშეწყობის მიზნით გასულ კვირაში საინფორმაციო ტური ქართული მედიის წარმომადგენლებსაც ჩაუტარდათ.
შიდა ტურიზმის განვითარების ხელშეწყობის პროგრამის ფარგლებში 8-10 ოქტომბერს აჭარის ტურიზმის დეპარტამენტი ქართულ ტურისტულ კომპანიებს მასპინძლობს. სამდღიანი პროგრამის ფარგლებში სტუმრები რეგიონის ტურისტულ ინფრასტრუქტურას და ღირშესანიშნაობებს გაეცნობიან, რათა სამომავლოდ მათ მიერ ვიზიტორებისათვის შეთავაზებული ტურები იყოს კიდევ უფრო მრავალფეროვანი და სიახლეებით გაჯერებული.
