ნატოს გენერალური მდივანს იენს სტოლტენბერგს აინტერესებს უკრაინული საზოგადოებისა და პოლიტიკური სპექტრის აზრი ქვეყნის ჩრდილოატლანტიკურ ალიანში გაწევრიანების საკითხთან დაკავშირებით.
"ბატონი სტოლტენბერგი უკრაინის პოლიტიკური სპექტრის განწყობებით დაინტერესდა და ის ამ საკითხს განსაკუთრებულ ყურადღებას დაუთმობს, კერძოდ, არჩევნების შემდეგ, როდესაც ის უკრაინის მონახულებას გეგმავს",_ განაცხადა ჟურნალისტებთან საუბარში უკრაინის საგარეო საქმეთა მინისტრმა პაველ კლიმკინმა ალიანსის გენმდივანთან ბრიუსელში გამართული შეხვედრის შემდეგ.
მისივე განცხადებით, უახლოეს მომავალში უკრაინა და ნატო თანამშრომლობის კიდევ უფრო გააქტიურებას აპირებენ, მათ შორის უკრაინული მხარისათვის სამხედრო-ტექნიკური დახმარების გაწევის საკითხში.
"ახლა ჩვენთვის იხსნება გაძლიერებული შესაძლებლობების პროგრამა, რომელიც ღიაა მხოლოდ ნატოს 5 განსაკუთრებული მოკავშირისათვის. ჩვენ "საგზაო რუკის" მომზადებას ვიწყებთ",_ განაცხადა კლიმკინმა.
მასალის გამოყენების პირობები