ნატო მზად არის განათავსოს თავისი ჯარები, სადაც საჭიროდ მიიჩნევს. ამის შესახებ ალიანსის გენერალურმა მდივანმა იენს სტოლტენბერგმა ვარშავაში განაცხადა.
მან ასევე აღნიშნა, რომ 2015 წელს დაგეგმილია ალიანსის მინისტრების შეხვედრა, სადაც გადაწყდება სწრაფი რეაგირების ძალების შექმნის საკითხი.
მისივე თქმით ამ ძალების შექმნის გარეშეც, ნატოს ჰყავს ძლიერი შეიარღებული ძალები, რომელსაც „განათავსებს იქ, სადაც მოიდომებს".
პოლონეთში ვიზიტისას მან დაარწმუნა ოფიციალური ვარშავა, რომ ალიანსი უზრუველყოფს პოლონეთის უსაფრთხოებას მოსკოვის აგრესიული პოლიტიკისგან.