4 ოქტომბერს, 12:00 საათზე, სასტუმრო „თბილისი მარიოტში", ქართული ღვინის, საფერავისთის შექმნილი სპეციალური ბოკალის პრეზენტაცია გაიმართება, რომელიც თავის ადგილს დაიკავებს მსოფლიო ბრენდების „პინონუარის", „ბორდოსა", თუ „შარდონეს" გვერდით.
საზეიმო მიღება სახელწოდებით „საფერავის ბოკალის დაბადება" საქართველოს სომელიეთა ასოციაციის და ღვინის ეროვნული სააგენტოს ინიციატივით ეწყობა. ამ დღესვე ღვინის ექსკლუზიური ჭიქა საქართველოს პრემიერ-მინისტრს გადაეცემა საჩუქრად.
ექსკლუზიური ჭიქა, მსოფლიოს წამყვანი ღვინის ბოკლების მწარმოებელი ავსტრიული კომპანია RIEDEL-ის მეათე თაობის წარმომადგენელმა, გრაფმა გეორგ რიდელმა შექმნა, რომელიც საქართველოს სწორედ ამ მიზნით ეწვია.
