პრემიერ-მინისტრის ირაკლი ღარიბაშვილის განცხადებით, ყოფილი თავდაცვის მინისტრი ბაჩო ახალაია ბრალდებულია ადამიანების წამებაში და მსოფლიო სტანდარტია, როდესაც მძიმე დანაშაულებში ბრალდებული ადამიანები წინასწარ პატიმრობაში იმყოფებიან.
,, ახალაია არის ბრალდებული ისეთ მძიმე დანაშაულებში, როგორიცაა ადამიანის წამება და არა მხოლოდ ეგ საქმე. ეს არის მსოფლიო სტანდარტი და მე ამაზე პასუხისმგებელი ვარ, რომ როდესაც ადამიანი არის ბრალდებული ასეთ მძიმე დანაშაულებში, ის უნდა იყოს წინასწარ პატიმრობაში და ეს არ არის მხოლოდ ერთი საქმე. აქვე შეგახსენებთ, რომ ახალაიას დამოუკიდებელი სასამართლოს პირობებში მიესაჯა პატიმრობა, უბრალოდ ის შეიწყალა სააკაშვილმა. ასე რომ, ეს ჩანაწერი 9 თვე, გადაცდა, არ გადაცდა, რა თქმა უნდა, ეს არის ისევ "ნაციონალური მოძრაობის" მცდელობა და ევროპის სახალხო პარტიის სოლიდარობა", - განაცხადა ღარიბაშვილმა.
შეგახსენებთ, რომ 103 მომხრე, 27 წინააღმდეგი - ევროსაბჭომ საქართველოს შესახებ რეზოლუცია მიიღო. მასში დარჩა ჩანაწერი, რომელიც ყოფილ მაღალჩინოსნებს, მათ შორის ბაჩო ახალაიას პატიმრობის ვადას და მისთვის წინასწარი პატიმრობის შეცვლას, ასევე მიხეილ სააკაშვილისა და მისი ოჯახის წევრების ქონების დაყადაღებას ეხება.