,,ნაცმოძრაობის" დეპუტატი პეტრე ცისკარიშვილი ,,ჯი-ეიჩ-ენთან" საუბარში აცხადებს, რომ ევროსაბჭოს მიღებული რეზოლუცია საქართველოში არსებულ რეალობას ასახავს. ,,ჯი-ეიჩ-ენის" კითხვაზე რეზოლუციაში არსებული ჩანაწერი რომელიც ყოფილ მაღალჩინოსნებს ეხებათ დააზიანებს თუ არა ქვეყნის იმიჯს საერთაშორისო ასპარეზზე დეპუტატი პასუხობს:
,, ევროსაბჭოს რეზოლუციაში ასახვა ჰპოვა იმ რეალობამ რაც საქართველოშია. საქართველოს საერთაშორისო იმიჯის დამაზიანებელია ის პოლიტიკა რომელსაც მთავარობა ატარებს. თუ საუბრობ რომ ხარ დემოკრატიული სახელმწიფო, ატარებ რეფორმებს და გინდა ევროკავშირში ინტეგრაცია ამისთვის რეალური ნაბიჯები უნდა გადადგა და არა მეორე ხელით ქვეყნის შიგნით ოპონენტების მიმართ პოლიტიკური დევნა გქონდეს. Aასე რომ, ქვეყნის იმიჯს საერთაშარისო ასპარეზზე აზიანებს ის მოქმედებები და გადაწყვეტილებები რასაც ხელისუფლება იღებს. საერათაშორისო არენაზე თუ ვინმეს ეგონა ჭირი თავს დამალავდა და რეზოლუციაში არ ჩაიწერებოდა, ეს არის სიცრუეში ცხოვრება", _აცხადებს ცისკარიშვილი ,,ჯი-ეიჩ-ენთან" საუბარში.
შეგახსენებთ, რომ 103 მომხრე, 27 წინააღმდეგი - ევროსაბჭომ საქართველოს შესახებ რეზოლუცია მიიღო. მასში დარჩა ჩანაწერი, რომელიც ყოფილ მაღალჩინოსნებს, მათ შორის ბაჩო ახალაიას პატიმრობის ვადას და მისთვის წინასწარი პატიმრობის შეცვლას, ასევე მიხეილ სააკაშვილისა და მისი ოჯახის წევრების ქონების დაყადაღებას ეხება.