ექსპერტი უსაფრთხოების საკითხებში ხათუნა ლაგაზიძე ,,ჯი-ეიჩ-ენთან" საუბარში აცხადებს, რომ განვლილი ორი წლის განმავლობაში ხელისუფლებას აქვს მიღწევები რითაც შეუძლია იამაყოს, მაგრამ მათი პრობლემა არის ის, რომ ვერ ახერხებენ პოზიტივის კვალიფიციურად საზოგადოებამდე მიტანას.
,,საგარეო პოლიტიკაში გამოვყოფდი სამ მნიშვნელოვან ფაქტს, ეს არის ევროკავშირთან ასოცირების ხელშეკრულება, რუსეთთან კონფრონტაციული ფონის განეიტრალება და „შაჰ-დენიზი 2"-ის პროექტში საქართველოს მონაწილეობას.სოციალურ კუთხით მნიშვნელოვანია საყოველთაო ჯანდაცვის პროგრამის ამოქმედება, რომელიც უპრეცედენტოა, გაამართლა და ყველა ადამიანს შეეხო. ცალსახად დადებითი შეფასება შეიძლება მიეცეს და რაც ამ ხელისუფლების სავიზიტო ბარათია არის სიტყვის, ბიზნესის, სასამართლოს პოლიტიკური აზრის გამოხატვის თავისუფლება და ამავე რიგში გადის უპრეცედენტო თავისუფალი არჩევნების ჩატარება. ის რაც მე ჩამოვთვალე ერთი ხელისუფლებისთვის ორი წლის მანძილზე არც თუ ისე ცოტაა. ეს არის ის საკითხები რომლითაც ხელისუფლებამ შეუძლია იამაყოს", _აცხადებს ლაგაზიძე და განმარტავს, რომ მმართველი გუნდის პოზიტივად შეიძლება ჩაითვალოს ისიც, რომ შეცდომებს თუ ხმამაღლა არ აღიარებენ ცდილობენ მაინც არაეფექტური მიმარტულებით სვლა შეწყვიტონ.
ლაგაზიძე აცხადებს, რომ ხელისუფლებასა და საზოგადოებას შორის არ არსებობს სათანადო კომუნიკაცია რის გამოც ხელისუფლებამ აირჩია ძალიან არასასიამოვნო ხერხი ურთიერთობის და დაიწყო საზოგადოებაში აქტიური წევრების, სამოქალაქო საზოგადოების აქტიური ჯგუფების, კვალიფიკაციისა და ავტორიტეტის წელახვა საზოგადოების თვალში.
,,ხელისუფლების პრობლემა არის ის რომ ვერ ახერხებს ამ პოზიტივის კვალიფიციურად საზოგადოებამდე მიტანას. არადა საინფორმაციო პოლიტიკა, პოლიტიკის აუცილებელია მდგენელია. ის რომ ხელისუფლებამ საზოგადოებასთან კომუნიკაცია ვერ დაალაგა და არ იცის გაკეთებული პოზიტივი როგორ მიიტანოს ამომრჩევლამდე, შედეგად ვიღებთ საზოგადოების მხრიდან ხელისუფლების უკმაყოფილებას და აქედან გამომდინარე საპასუხო აგრესიას. ყოველივე ამან შესაძლოა ძალიან ცუდი ტენდენციები გააჩინოს. კერძოდ არ მინდა რაც ამ ხელისუფლების სავიზიტო ბარათია სიტყვის, ბიზნესის, სასამართლოს პოლიტიკური აზრის გამოხატვის თავისუფლება მათ ამის საკუთარი ხელით ნგრევა დაიწყონ.სამწუხაროდ, ხელისუფლებამ საზოგადოებასთან არასათანადო კომუნიკაციის არარსებობის გამო აირჩია ძალიან არასასიამოვნო ხერხი რაც არის საზოგადოებაში აქტიური წევრების, სამოქალაქო საზოგადოების აქტიური ჯგუფების, კვალიფიკაციისა და ავტორიტეტის შელახვა საზოგადოების თვალში. სწორედ ამ მიზნით ხელისუფლება აქტურად იყენებს ,,ფეისბუკზონდერებსა" და და გესუქ შეკვეთილ სტატიებს ბეჭდურ მედიაში. ეს ყველაფერი ხელისუფლებას ძალიან ცუდად შეიძლება შემოუბრუნდეს, რადგან ეს არის ხელისუფლება რომელიც სათავეში მოვიდა ავტორიტარიზმთან ბრძოლის ლოზუნგით. ხელისუფლების მესმის იმ კუთხით, რომ მართლაც წალეკა უარყოფითმა საინფორმაციო ნაკადებმა მედია, მაგრამ ეს არ არის მედიის პრობლემა, არამედ ხელისუფლების, რადგან ისინი ვერ ახერხებენ რაც გააკეთეს იმ ინფორმაციის საზოგადოებისთვის კვალიფიციურად მიწოდებას. ფაქტია, რომ საზოგადოებასა და ხელისუფლებას შორის კომუნიკაციის ხიდი ვერ გაიდო", _აცხადებს ლაგაზიძე.
ექსპერტი უსაფრთხოების საკითხებში ხათუნა ლაგაზიძე ,,ჯი-ეიჩ-ენთან" საუბარში იმედს გამოთქვამს, ხელისუფლება მიხვდება, რომ განსხვავებული აზრის მატარებლების წინააღმდეგ წარმოებული საინფორმაციო კამპანია სერიოზული შეცდომაა და საზოგადოებასთან კომუნიკაციის უფრო ეფექტურ მეთოდებს გამონახავს.