უფლებადამცველი ლია მუხაშავრია ,,ჯი-ეიჩ-ენთან" საუბარში აცხადებს, რომ ,,ქართული ოცნების" ხეწლისუფლებაში ყოფნის ორი წლისთავზე ქვეყანაში ადამიანის უფლებების დაცვის კუთხით მდგომარეობა არ გაუმჯობესებულა და არც სამართლიანობის აღდგენის პროცესი დაწყებულა.
,,ძალიან სამწუხაროა, რომ ,,ქართული ოცნების" ხელისუფლებაში მოსვლის შემდეგ ორი წელი გასულა და დიდი ცვლილებები განსაკუთრებით იმ სფეროში რაც ჩემის საქმიანობის საგანს წარმოადგენს ვერ ვხედავ. ვგულისხმობ იმას, რომ დაპირებული სამართლიანობის აღდგენის პროცესი არც დაწყებულა და თამამად შეიძლება განვაცხადოთ, რომ არც მაშინ ჰქონდათ ამის განზრახვა და არც ახლა უნდა გვქონდეს იმედი რომ რაიმეს სამართლიანობის აღდგენის მიმართულებით გააკეთებენ. Gგარდა ამისა, მნიშვნელოვანია ისიც რომ სასამართლო ხელისუფლების დამოუკიდებლობისა და მიუკერძოებლობის მიღწევის გაზე ძალიან ცოტა რამ გაკეთდა და რაც გაკეთდა ისიც სრულიად არასაკმარისია იმისთვის, რომ ქვეყანას მართლმსაჯულება ჰქონდეს. Mმოგეხსენებათ, სასამართლო ხელისუფლების გარეშე სახელმწიფო ვერ ფუნქციონირებს ისე როგორც საჭიროა. ამიტომ თუ არ არსებობს ეს ორი მნიშვნელოვანი წინაპირობა ადამიანის უფლებების საკითხზე საუბარი ჭირს და მდგომარეობაც არასახარბიელოა", _აცხადებს, მუხაშავრია ,,ჯი-ეიჩ-ენთან" საუბარში.
მისივე განმარტებით, ,,ქართული ოცნების" ხელისუფლებაში ყოფნის პერიოდში კრიტიკა უფრო მეტია, ვიდრე სასიკეთო ცვლილებები.
,,განსაკუთრებით გაუარესდა მდგომარეობა იმის გამო რომ თითქოს კრიმინოგენული ვითარების იგივე მდგომარეობაში ყოფნის გამო, გაიზარდა პოლიციური რეიდები, პოლიციელების აქტივობა და გამოვლინდა, რომ პოლიცია პოლიტიკური დაკვეთის იარაღია. Aამ დასკვნას ვაკეთებთ იმის გამო, რომ პოლიციელები ყოველ ნაბიჯზე დაგანან, უფრო მეტს მოძრაობენ ჩვენი თვალთახედვის არიალში. თუ კრიმინოგენული მდგომარეობა არ გაზრდილა და პოლიციელების აქტივობა გაიზარდა მაშინ უნდა დავასკვნათ რომ ეს არის პოლიტიკური დაკვეთის განხორციელება პოლიციის მხრიდან. თუ პოლიცია პოლიტიკურ დაკვეთას ახორციელებს, ეს ძალიან საშიში ტენდენციაა. სამწუხაროა, რომ კრიტიკა უფრო მეტია, ვიდრე სასიკეთო ცვლილებები", _აცხადებს უფლებადამცველი ლია მუხაშავრია ,,ჯი-ეიჩ-ენთან" საუბარში ,,ქართული ოცნების" ხელისულებაში ყოფნის ორი წლისთავის შეფასებისას.
