ეკონომიკისა და მდგრადი განვითარების მინისტრის გიორგი კვირიკაშვილის განაცხადებით, საქართველოს განვითარების ბანკის ნაცვლად, განვითარების საფინანსო კორპორაცია შეიქმნება, რომელიც დაეფუძნება არსებული საპარტნიორო ფონდის რეფორმირების კონცეფციას. როგორც მინისტრმა მთავრობის სხდომის შემდეგ განაცხადა შესაბამისი კანონპროექტი პარლამენტში უკვე გადაგზავნილია.
,,პროექტი რომელიც შეტანილია პარლამენტში მნიშვნელოვან ცვლილებებს განიცდის და, ბუნებრივია, როდესაც საპარლამენტო სესია დაიწყება, რა თქმა უნდა ეს პროექტი განხილულ იქნება. ეს იქნება განვითარების საფინანსო კორპორაცია, რომელიც მიახლოებით იქნება გერმანულ მოდელზე აგებული და დაეფუძნება არსებული საპარტნიორო ფონდის რეფორმირების კონცეფციას", - აცხადებს მინისტრი.
