2015 წლის სახელმწიფო ბიუჯეტის შემოსავლების საპროგნოზო მაჩვენებელი 7 930.0 მილიონი ლარით განისაზღვრა. როგორც მთავრობის სხდომის დასრულების შემდეგ ჟურნალისტებთან ფინანსთა მინისტრმა ნოდარ ხადურმა განაცხადა სახელმწიფო ბიუჯეტის ასიგნებები განისაზღვრა 9 350.0 მილიონი ლარის ოდენობით, მათ შორის: საბიუჯეტო სახსრები შეადგენს 8 575.0 მილიონ ლარს, გრანტები 95 მილიონ ლარს, ხოლო კრედიტები 680.0 მილიონ ლარს.
ხადურის განმარტებით, წარმოდგენილი პროექტი არის 2015 წლის ბიუჯეტის პირველადი ვარიანტი და მის გადამუშავებაზე ოქტომბრის განმავლობაში მუშაობა აქტიურად გაგრძელდება როგორც სამინისტროებში, ასევე პარლამენტში.
,,საბოლოო პროექტში, არსებული მიკროეკონომიკური პარამეტრების ფარგლებში მაქსიმალურად დაფინანსდება ის პროგრამები, რომლებიც უზრუნველყოფს მოსახლეობის სოციალურ კეთილდღეობასა და ქვეყნის ეკონომიკურ განვითარებას", _განაცხადა ხადურმა.
