ხვალ, 1-ელ ოქტომბერს, ანაკლიის ღრმაწყლოვანი პორტის მშენებლობაზე ინტერესთა გამოხატვის ვადა იწურება. ამ დროისათვის უცნობია, თუ რამდენმა კომპანიამ გამოხატა ოფიციუალურად ინტერესი და რამდენი კომპანიაა მზად ახალი პორტის ასაშენებლად.
ცნობილია, რომ პორტის მშენებლობით ამერიკული კომპანიები უკვე დაინტერესებულნი არიან. პრემიერ-მინისტრის აშშ-ი ვიზიტისას ცნობილი გახდა, რომ ამერიკული კომპანია AECOM-ი ანაკლიის პორტის მშენებლობით დაინტერესებულია და ინტერესთაგამოხატვაში მონაწილეობასაც მიიღებს.
ანაკლიის ღრმაწყლოვანი პორტის მშენებლობა 2015 წლის შემოდგომაზე დაიწყება. ანაკლია ღრმაწყლოვანი პორტისთვის საუკეთესო ადგილად კვლევის შედეგად შეირჩა, რომელიც საერთაშორისო გამოცდილების მქონე საინჟინრო საკუნსულტაციო იაპონურმა კონსორციუმმა Oriental Consultants Compaly Ltd საპარტიორო ფონდის დაკვეთით, შეარჩა.
პორტის მშენებლობის პირველი და მეორე ფაზის განსახორციელებლად 700 მლნ-დან 900 მლნ დოლარამდე ინვესტიცია იქნება საჭირო. პირველი ფაზის მშენებლობა 3 წელიწადში უნდა დასრულდეს. მთლიანი პროექტი მოიცავს 7 ფაზას, თუმცა 3 ფაზა არის სავალდებულო, ხოლო შემდგომი ფაზები უკვე დამოკიდებულია მიზანშეწნილობის კვლევაზე.
პროექტის მიხედვით, ანკლიის პორტის მშენებლობა რამდენიმე ეტაპისგან შედგება. 12 წლის ვადაში მან 40 მლნ ტონა ტვირთის გამტარუნარიანობას უნდა მიაღწიოს, აქედან მესამე და მეშვიდე წელს, შესაბამისად, 7 და 20 მლნ ტონა ტვირთის, 12 წლის თავზე კი 40 მლნ ტონის გამტარუნარიანობას.
ყოველ მომდევნო ეტაპის მოსამზადებელი ტექნიკურ-ეკონომიკური დასაბუთება უნდა მოამზადოს საერთაშორისო საკონსულტაციო კომპანიამ. პორტმა მინიმუმ 6500 კონტეინერით დატვირთული გემის მიღება. მთლიანობაში პორტის გამტარუნარიანობა 100 მლნ ტონა იქნება.
