24 სექტემბერს, საქართველოს ეროვნულ მუზეუმში, ინდოეთის არქეოლოგიური სამსახურის უფროსმა ნიზამუდინ ტაჰერმა წაიკითხა მოხსენება თემაზე - „ქეთევან დედოფლის აღმოჩენილი საფლავის მუზეალიზაცია გოას წმ. ავგუსტინის კომპლექსში".
ცნობილი ინდოელი არქეოლოგი ICAMT-ის მე-40 საერთაშორისო კონფერენციაში საქართველოს კულტურისა და ძეგლთა დაცვის სამინისტროს, ICOM-ის საქართველოს ეროვნული კომიტეტისა და საქართველოს კულტურული მემკვიდრეობის დაცვის ეროვნული სააგენტოს მოწვევით მონაწილეობს.
ქეთევან დედოფლის წმინდა ნაწილები მსოფლიოს სხვადასხვა ქვეყანაშია დასვენებული. ინდოელი არქეოლოგი ნიზამუდინ ტაჰერი, წლების განმავლობაში ხელმძღვანელობდა ინდოეთის არქეოლოგიური სამსახურის გოას შტატის განყოფილებას. მან 2006 წელს საქართველოს მხარეს აცნობა მის მიერ ჩატარებული გათხრების შედეგად ქართველი დედოფლის - ქეთევან წამებულის წმინდა ნაწილების აღმოჩენის შესახებ გოას წმ. ავგუსტინელთა ეკლესიის ნანგრევებში. მას შემდეგ საქართველოდან ინდოეთში არაერთი სამეცნიერო ექსპედიცია მოეწყო, შედგა შეხვედრები ბ-ნ ნიზამუდინ ტაჰერთან და სხვა მეცნიერ-მკვლევარებთან.
გასული წლის დეკემბერში საერთაშორისო სპეციალიზებულ გამოცემებში გამოქვეყნდა ჩატარებული ანალიზის შედეგები, რომლის მიხედვითაც დასტურდება,
