საქართველოს ვიცე-პრემიერი, ეკონომიკისა და მდგრადი განვითარების მინისტრი გიორგი კვირიკაშვილი ჩინეთის სახალხო რესპუბლიკის კომერციის მინისტრს გაო ხუჩენს შეხვდა. შეხვედრა ჩინეთში საქართველოს ვიცე-პრემიერის სამუშაო ვიზიტის ფარგლებში შედგა.
შეხვედრაზე საუბარი წარიმართა ორი ქვეყნის საგარეო-ეკონომიკური ურთიერთობის საკითხებზე, მათ შორის, ტვირთბრუნვის ზრდის დინამიკაზე საქართველოსა და ჩინეთს შორის და საქართველოში ჩინური ინვესტიციების განხორციელებაზე.
საქართველოს ვიცე-პრემიერმა გიორგი კვირიკაშვილმა განაცხადა, რომ ჩინეთთან ეკონომიკური კავშირების განვითარება ქვეყნის საგარეო-ეკონომიკური ურთიერთობების ერთერთი უმთავრესი პრიორიტეტი უნდა იყოს.
შეხვედრაზე აღინიშნა, რომ ჩინეთი დაინტერესებულია დიდი აბრეშუმის გზის აღორძინებითა და აღნიშნული პროგრამის ფარგლებში სამხრეთ კავკასიის დერეფნის განვითარებით. მათ შორის, იმ პოტენციალით, რომელიც საქართველოს აქვს.
მასალის გამოყენების პირობები
