„ჯიპიაი ჰოლდინგმა" კახეთში გუშინნდელი სეტყვით მიყენებული ზარალის ექსპერტიზა დაიწყო.
„ჩვენი წარმომადგენლები და ექსპერტები უკვე ადგილზე არიან. დილიდან მიმდინარეობს დასეტყვილი ნაკვეთების ექსპერტიზა, რომ დროულად დადგინდეს ზარალის მოცულობა და ოპერატიულად მოხდეს ფერმერებისთვის კომპენსაციის გაცემა. მოგეხსენებათ, რთველი უკვე მიმდინარეობს და ამ დროს ფერმერისთვის ყოველ საათს აქვს მნიშვნელობა, რომ რაც შეიძლება სწრაფად მოხდეს რეაგირება", - აცხადებს „ჯიპიაი ჰოლდინგის" ანაზღაურების დეპარტამენტის უფროსი ჯემალ ქარუმიძე.
ყვარლის რაიონში „ჯიპიაი ჰოლდინგის" მიერ დაზღვეული 20-ზე მეტი ნაკვეთია დასეტყვილი. ზარალის მოცულობა დგინდება და უახლოეს დღეებში გახდება ცნობილი.
2014 წლის პირველ ნახევარში „ჯიპიაი ჰოლდინგმა" რამდენიმე ათეულ სტიქიით დაზარალებულ ფერმერს გადაუხადა სადაზღვევო ანაზღუარება - ჯამში ანაზღაურებულმა თანხამ 400,000 ლარი შეადგინა.
„ჩვენს მიერ გაცემული ანაზღაურება ძირითადად სეტყვით დაზიანებაზე და ასევე ქარიშხალზე მოდის - კომპენსაცია გადავუხადე 100-მდე მევენახეს და მებაღეს (ხეხილის დაზღვევა)", - განმარტავს ჯემალ ქარუმიძე.
შეგახსენებთ, რომ „ჯიპიაი ჰოლდინგი" ერთ-ერთი პირველი კომპანიაა, რომელმაც აგროდაზღვევა შესთავაზა პოტენციურ მომხმარებელს. დღეს კომპანიაში რამდენიმე ასეული ფერმერია დაზღვეული. „ჯიპიაი ჰოლდინგის" აგროდაზღვევის პორტფელი მოიცავს შემდეგი კულტურების დაზღვევას: ხორბლის, ქერისა და სიმინდის მოსავლის დაზღვევა, ვაშლისა და ატმის მოსავლის დაზღვევა, მანდარინის დაზღვევა, ვენახის დაზღვევა, თხილის ნარგავებისა და კარტოფილის დაზღვევა.