სტიქიის შედეგების სალიკვიდაციოდ, რეგიონებში განსახორციელებელი პროექტების ფონდიდან, ადგილობრივ თვითმმართველ ერთეულებს 3 მლნ 78 ათას 801 ლარი გამოეყოფა.
მთავრობის №1480 განკარგულებით, თანხა შემდეგ მუნიციპალიტეტებზე გადანაწილდება:
ხაშურის მუნიციპალიტეტს - 1 082 532 ლარი; ვანის მუნიციპალიტეტს - 880 716 ლარი; დუშეთის მუნიციპალიტეტს - 360 065 ლარი, საჩხერის მუნიციპალიტეტს - 353 904 ლარი; ჩოხატაურის მუნიციპალიტეტს - 309 640 ლარი; ლენტეხის მუნიციპალიტეტს - 82 944 ლარი და მარტვილის მუნიციპალიტეტს - 9 000 ლარი.
„თანხის ფარგლებში, ადგილობრივმა თვითმმართველმა ერთეულებმა უზრუნველყონ სტიქიის შედეგად დაზიანებული ხიდების (მათ შორის, სახიდე გადასასვლელების), ადგილობრივი მნიშვნელობის გზების, სანიაღვრე არხების, გაბიონების, ნაპირსამაგრი ნაგებობების და სხვა ინფრასტრუქტურული ობიექტების აღდგენითი სამუშაოებისა და მათთან დაკავშირებული საქონლისა და მომსახურებების შესყიდვა"- აღნიშნულია განკარგულებაში.
