სარფის სასაზღვრო გამშვებ პუნქტზე წარმოქმნილ რიგებს, შემოსავლების სამსახურში მგზავრთნაკადის ზრდას უკავშირებენ. უწყებაში განმარტავენ, რომ ინფრასტრუქტურა გამართულად და ჩვეულ რეჟიმში მუშაობს, თუმც საბაჟო გამშვებ პუნქტის გავლით, საქართველოში შემომსვლელთა რაოდენობაა 40 %-მდეა გაზრდილი. რაც თავის მხრივ სეზონურია და კლება დაახლოებით 10 დღეში მოხდება.
აღსანიშნავია, რომ სარფის სასაზღვრო გამშვებ პუნქტზე რიგები რამდენიმე დღეა რაც წარმოიქმნა. საქართველო-თურქეთის საზღვარზე შექმნილ ვითარებას ადგილზე უკვე გაეცნენ ფინანსთა მინისტრი და შემოსავლების სამსახურის უფროსი.
ფინანსთა მინისტრის ინფორმაციით, საზღვარზე რიგების შემცირების მიზნით, საქართველოს მთავრობა უკვე აწარმოებს მოლაპარაკებებს თურქულ მხარესთან.
ნოდარ ხადურის განცხადებით, თურქეთი საზღვარზე შესაბამისი ინფრასტრუქტურის მქონე საბაჟოს გამშვები პუნქტის მშენებლობას გეგმავს.
