ბათუმში სასტუმრო და გასართობი კომპლექსის „ლეო გრანდის" მშენებლობა 2016 წლის 30 ივნისამდე დასრულდება. წინასწარი გათვლებით, კომპანია ,,მერსინ ტურიზმი" პროექტის განხორციელებისათვის, 5 000 000 აშშ დოლარის ინვესტირებას მოახდენს. ობიექტის მშენებლობაზე ამ ეტაპზე საქართველოს 30 მოქალაქეა დასაქმებული, რომელთა ყოველთვიური ანაზღაურება 500 ლარია. სასტუმროს ოპერირების დაწყების შემდგომ 20 წლის განმავლობაში სასტუმროში დასაქმებულთა არანაკლებ 90% საქართველოს მოქალაქე იქნება.
„ლეო გრანდის" მშენებლობის პროცესს ადგილზე გაეცნო აჭარის მთავრობის ხელმძღვანელი არჩილ ხაბაძე.
„ჩვენ მოვინახულეთ მშენებარე ობიექტი, რომელიც კაზინოსა და სასტუმროს ერთდროულად. მშენებლობა ნორმალურად მიმდინარეობს .ინვესტორი ასრულებს ხელშეკრულების პირობებს და ეტევა ვადებში და იგი გაიხსნება როგორც დაგეგმილია" - განაცხადა არჩილ ხაბაძემ მშენებარე „ლეო-გრანდის" მონახულების შემდეგ.
