სახელმწიფო აგროდაზღვევის მიმართულებით აქტიურდება და სოფლის მეურნეობის დარგში დაკავებულ ფერმერებსა და მეწარმეებს აგროდაზღვევის პროდუქტს სთავაზობს. აღსანიშნავია, რომ 2014 წელს პროგრამის ბიუჯეტი 5 მლნ ლარია და ვპროგრამაში ჩაერთვებიან ის სადაზღვეო კომპანიები, რომელთათვისაც აგროდაზღვევის მიმართულება პრიორიტეტული და ხელსაყრელია. როგორც სოფლის მეურნეობის მინისტრმა ოთარ დანელიამ განმარტა, აგროდაზღვების პროგრამას პროექტების მართვის სააგენტო უხელმძღვანელებს და ის 1-ელი სექტემბრიდან ამოქმედდება და საპილოტე რეჟიმში 2015 წლის 1-ელ სექტემბრამდე იმუშავებს. პროგრამის ფარგლებში სახელმწიფო სადაზღვეო პაკეტის 95 %-მდე დაფარავს.
„სოფლის მეურნეობის მიმართულებით სახელმწიფოს მხრიდან ხელშეწყობა გრძელდება. ეს გახლავთ იმ პოლიტიკის გაგრძელება, რომელიც მთავრობამ დაიწყო. ამ შემთხვევაში საუბარია აგროდაზღვევის სისტემის შემოღებაზე. ეს იქნება საპილოტე პროექტი, რომელიც მოიაზრებს გარკვეული პროცენტის დაფინანსებას, აგროდაზღვევის შემთხვევაში. შესაბამისად აგროიდაზღვევა გავრცელდება ყველა პროდუქტზე და სუბსიდირება განხორციელდება 70 %-დან 90 %-მდე, ზოგ შემთხვევაში 95 %-მდე. თანადაფინანსებას სახელმწიფო განახორციელებს", - აცხადებს ოთარ დანელია.