რუსული სახელმწიფო კომპანია „გაზპრომის" მოგებამ, მიმდინარე წლის 6 თვეში, 155 მილიარდი რუბლი შეადგინა. ეს მაჩვენებელი 36%-ით ნაკლებია გასული წლის ანალოგიურ პერიოდთან. ამის შესახებ ნათქვამია კომპანიის მიერ გამოქვეყნებულ ანგარიშში.
„მოგების შემცირება კომპანიის ხარჯების ზრდას და საერთაშორისო ეკონომიკურ სანქციებს უკავშირდება", - ნათქვამია გავრცელებულ ინფორმაციაში.
ამავდროულად, კომპანიის მმართველთა შემოსავალმა მიმდინარე წლის პირველ ნახევარში 1 მილიარდ 119 მილიონ 197 ათასი რუბლი შეადგინა, რაც 40 % -ით მეტია გასული წლის ანალოგიური პერიოდის მაჩვენებელთან. ტოპმენეჯერების შემოსავლები მოიცავს ხელფასს, პრემიებსა და შეღავათებს.
შეგახსენებთ, რომ „გაზპრომის" მმართველთა ჯგუფში 17 ადამიანი შედის, მათ შორის კომპანიის ხელმძღვანელი ალექსეი მილერი.
