ავიაკომპანია Yanair-მა კიევი-თბილისის მიმართულებაზე ბილეთების ღირებულება 200 დოლარამდე დასწია. აქციის ფარგლებში, „იაფიანი" ბილეთების შეძენა 13-დან 15 აგვისტომდე იქნება შესაძლებელი და ფრენა 19 აგვისტოდან 25 ოქტომბრამდე პერიოდს მოიცავს.
აღსანიშნავია, რომ ავიაკომპანია კიევიდან თბილისის მიმართულებით პირველ რეისს 19 აგვისტოს შეასრულებს.
თბილისი-კიევის მიმართულებაზე Boeing 737 და Airbus A320 ტიპის ხომალდები იფრენენ. კიევიდან ფრენებს Yanair-ი დროებით „ჟულიანის" აეროპორტიდან განახორციელებს, ხოლო თავად რეისები სამშაბათობით და კვირაობით შესრულდება, ხოლო სექტემბრიდან კი კვირაში მესამე რეისიც დაემატება და ის ხუთშაბათობითაც განხორციელდება.
