სამთავრობო პროგრამა „აწარმოე საქართველოში" ფარგლებში კომპანია „დენოლამ" „საქართველოს ბანკისგან" 2 მილიონი აშშ დოლარის სესხი მიიღო. პროექტის ფარგლებში, კომპანია მომდევნო 8 თვის განმავლობაში პარალონის საწარმოს მშენებლობას უზრუნველყოფს. ხოლო საწარმოს მშენებლობისას 35-40 ადამიანი დასაქმდება. საწარმოს ამუშავების შემდეგ კი საწარმოში მინიმუმ 50 ადამიანი.ს დასაქმება იგეგმება.
აღსანიშნავია, რომ ამ ეტაპზე პარალონის 100%-ის იმპორტი ხორციელდება. შპს „დენოლა" დასაწყისისთვის გეგმავს ადგილობრივი ბაზრის 80%-ის წილის დაკავებას, ხოლო სამომავლოდ დაგეგმილია ექსპორტის განხორციელებაც. პროდუქციას დამატებით ღირებულებას მატებს ის ფაქტი, რომ პარალონის შესაქმნელად გამოსაყენებელი ნედლეულით შესაძლებელია ასევე სხვა ტიპის პროდუქციის წარმოება, მათ შორის წებოსი და ჭურჭლის სარეცხი ღრუბლის.