30 აგვისტოდან 2 სექტემბრის ჩათვლით, Messe Frankfurt-ი გერმანიის ქალაქ ფრანკფურტში 4 დღიან ორიგინალური საჩუქრებისა და უახლესი საყოფაცხოვრებო ნივთების გამოფენა „Tendence 2014"-ს მართავს. გამოფენაზე წარმოდგენილი იქნება, როგორც პროფესიონალური, ასევე სამოყვარულო, ხელნაკეთი და ორიგინალური ნამუშევრები, სასუვენირო და საშობაო საჩუქრები, აქსესუარები, ინტერიერისა და ექსტერიერის დიზაინი, დეკორაციები და სხვა.
8, 9, და 11 საგამოფენო სივრცეში წარმოდგენილი იქნება პროდუქცია შემდეგი ორი მამართულებით:
Giving-საჩუქრების მრავალფეროვანი არჩევანი, დეკორაციული და თანამედროვე, ხელნაკეთი და საკანცელარიო ნივთები, პირადი აქსესუარები, სამკაულებიდა და არაორდინალური სუვენირები.
Living-უახლესი საყოფაცხოვრებო ნივთები. შიდა და გარე დეკორაციის დახვეწილი დიზაინი, გემოვნებიანი და შთამბეჭდავი პროდუქცია, საყოფაცხოვრებო აქსესუარები.
„Tendence 2014"-ში მონაწილეობის საშუალება ეძლევათ ქართველ მეწარმეებს თუ უბრალოდ გამოფენის დათვალიერების მსურველებს. გერმანიის ეკონომიკური გაერთიანების (DWV) ინფორმაციით, DWV მხარს უჭერს Tendence 2014-ს და საქართველოს მოქალაქე, გამოფენის მონაწილეებსა თუ ვიზიტორებს დაეხმარება გამგზავრებასთან დაკავშირებული ორგანიზაციული საკითხების მოგვარებაში.
საერთაშორისო გამოფენა „Tendence" ასევე არის ცენტრალური პლატფორმა ახალი კონტაქტებისათვის. აქ ბიზნეს პარტნიორობა, იდეები და წარმატება ხალხს აერთიანებს.