ბიზნესმენ ნაზი ალასნიას საქმეს მთავარი პროკურატურა შეისწავლის. ფინანსთა სამინისტროს საგამოძიებო სამსახურმა საქმის შესწავლისა და ალასანიას დაკითხვის შემდეგ, საქმე მთავარ პროკურატურას გადაუგზავნა. რა გარემოებები აღმოაჩინა ფინანსთა სამინისტროს საგამოძიებო სამსახურმა და რატომ გადაეგზავნა საქმე მთავარ პროკურატურას ამ ეტაპზე უცნობია. "ჯი-ეიჩ-ენს" საგამოძიებო სამსახურში დაუდასტურეს რომ საქმე, მთავარ პროკლურატურას გადაეგზავნა და მის შესწავლას ეს უწყება გააგრძელებს.
"ნაზი ალასანიას საქმე, დაახლოებით, ათი დღეა, რაც გამოსაძიებლად პროკურატურას გადაეცა", _ განუცხადეს ,,ჯი-ეიჩ-ენს" ფინანსთა სამინისტროს გამოძიებო სამსახურში.
ალასანიას წინააღმდეგ საგამოძიებო სამსახურს ჟურნალისტმა ვახო ხუზმიაშვილმა მიმართა, რომელიც აცხადებს, რომ ნაზი ალასანიამ მისგან იყიდა სახლი, ბანკიდან ფული გამოიტანა და ნაცვლად იმისა, ხუზმიაშვილის ოჯახისთვის კუთვნილი თანხა ერთად მიეცა, ფული თავის ბიზნესს მოახმარა, ნაწილ-ნაწილ გადაიხადა 130 ათასი დოლარი, ხოლო 50 ათასი დოლარი კვლვ გადაუხდელია.
