ახლა დადგა დრო ყველამ აირჩიოს: მხარი დაუჭიროს ტერორიზმს ან დაგმოს ის. ეს განცხადება უკრაინის პრეზიდენტმა პეტრო პოროშენკომ კიევში ნიდარლანდების საელჩოს მონახულების შემდეგ გააკეთა.
„მიმაჩნია, რომ ის (პუტინის მიერ დონბასთან დაკავშირებით გაკეთებული განმარტება-რედ.) ცალკე კომენტარს არ საჭიროებს. დარწმუნებული ვარ, რომ მსოფლიო ახლა ორ ნაწილად არის გაყოფილი. ერთი - მთელი მსოფლიოა რომელიც გმობს ტერორისტებს და მეორე - თვითონ ტერორისტები. და ყველამ არჩევანი უნდა გააკეთოს, თუ რომელ ნაწილს მიეკუთვნება ის",_ განაცადა პრეზიდენტმა.
შეგახსენებთ, რომ წუხელ კრემლის პრესსამსახურმა ვლადიმერ პუტინის მიმართვა გაავრჩელა, რომელშიც ის უკრაინის აღმოსავლეთ ნაწილში მიმდინარე მოვლენებთან დაკავშირებით თავის პოზიციაზე საუბრობს. პუტინი „ბოინგ-777"-ის ტრაგედიას უკრაინულ მხარეს აბრალებს და აცხადებს, რომ „28 ივნისს საბრძოლო მოქმედებები, რომ არ განახლებულიყო ეს ტრაგედია არ მოხდებოდა".
მასალის გამოყენების პირობები