საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის დავიტ დარახველიძის განცხადებით, რომ არა 50%-იანი ბარიერი, ჩვენი ყველა კანდიდატი გამარჯვებული იქნებოდა. როგორც მთავრობის სხდომის დაწყებამდე დარახველიძემ ჟურნალისტებთან განაცხადა არჩევნებზე მეორე ტურის გამართვა დემოკრატიის ხარისხის მაჩვენებელია.
,,როგორც უკვე ნათელია, რვა თვითმმართველ ქალაქში იქნება მეორე ტური. ჩემი აზრით, ეს არის დემოკრატიის ხარისხის მაჩვენებელი. რა თქმა უნდა, ეს განპირობებულია იმითაც, რომ ,,ქართული ოცნების" ხელისუფლებამ ბარიერი აწია 50%-მდე, რაც მანამდე ვერც ერთმა ხელისუფლებამ ვერ გაბედა. რომ არა 50%-იანი ბარიერი, ჩვენი ყველა კანდიდატი გამარჯვებული იქნებოდა. ამიტომ მიმაჩნია, რომ ესაა დემოკრატიის გზაზე გადადგმული დიდი ნაბიჯი"- აღნიშნა დარახველიძემ.
