უკრაინის აღმოსავლეთ ნაწილში ანტიტერორისტული ოპერაციის ჩატარების ზონაში 15 აპრილიდან 11 ივნისამდე პერიოდში დაღუპულია 200 ზე მეტი სამოქალაქო პირი. განცხადება ამის შესახებ უკრაინის ჯანდაცვის მინისტრის პირველმა მოადგილემ რუსლან სალიუტინმა ჯანდაცვის სამინისტროში გამართულ ბრიფინგზე გააკეთა. ინფორმაციას ამის შესახებ უკრაინული მედია ავრცელებს.
„დაზუსტებული ოპერატიული ინფორმაციით, უკრაინის აღმოსავლეთ ნაწილში ანტიტერორისტული ოპერაციის ჩატარების პერიოდში, სამწუხაროდ, დაღუპულია 200 ზე მეტი სამოქალაქო პირი. მათ შორის 15 ქალია და 2 ბავშვი",_ განაცხადა მინისტრის მოადგილემ.
მან აღნიშნა, რომ ერთ ერთი დაღუპული ბიჭი 4 წლის იყო, მეორე კი რომლის ცხედარიც ჯერაც ამოუცნობია სავარაუდოდ 14 წლის არის.
„ახლა გრძელდება ღონისძიებები ამ ცხედრის ამოსაცნობად",_ დასძინა სალიუტინმა.
კითხვაზე პასუხის გაცემისას თუ გარდაცვლილთაგან რამდენი იყო ტერორისტი და რამდენი სამოქალაქო პირი მინისტრის მოადგილემ განაცხადა, რომ მედიკოსებს ეს ინფორმაცია არ აქვთ.
„ჩვენ არ ვანსხვავებთ თუ ვინ უნდა გავუწიოთ სამედიცინო დახმარება. ამას შემდეგ გადაწყვეტენ სასამართლო ორგანოები",_ განაცხადა მან.