ინფორმაციის თავისუფლების განვითარების ინსტიტუტი (IDFI) 2013 წელს შემოსავლების სამსახურში გაცემული პრემიების შესახებ ინფორმაციას ავრცელებს.
ორგანიზაციის ინფორმაციით, 2013 წელს შემოსავლების სამსახურის უფროსს პრემიის სახით მიღებული აქვს 62 540- ლარი, ხოლო მის მოადგილეების : კახა ცერცვაძე - 65 850- ლარი, შარტავა ირაკლი - 63 400- ლარი, ბაქრაძე გიორგი - 65 400- ლარი, რუსლან ახალაია - 58 900- ლარი.
ასევე საქართველოს ოლიმპიური რეზერვების მზადების ეროვნული ცენტრის მიერ 2013 წლის 7 ნოემბერს 52 000 ლარად შესყიდულია 2007 წელს გამოშვებული AUDI Q7.
IDFI -ს ინფორმაციით, საქართველოს ტურიზმის ეროვნული ადმინისტრაციის მიერ 2013 წელს გაწეული წარმომადგენლობითი ხარჯები შეადგენს 328 635,31 ლარს.
ხოლო 2013 წელს საზღვაო ტრანსპორტის სააგენტოს თანამშრომლებზე გაცემული პრემიების საერთო ოდენობამ შეადგინა 643 298- ლარი, საიდანაც სააგენტოს დირექტორს მიღებული აქვს 18 750- ლარი.
