,,ჩვენ ვიხილეთ უსუსური, უუნარო, ექსტრემალურად თვითკმაყოფილი ადამიანი, რომელიც თვლის რომ ყველაფერი შეასრულა", _ განაცხადა ,, ნაცმოძრაობის" წევრმა აკაკი მინაშვილმა პრემიერ-მინისტრის პრესკონფერენციის შეფასებისას.
მისივე განმარტებით, პრემიერმა ჟურნალისტებთან შეხვედრის დიდი ნაწილი „ნაცმოძრაობისა" და მედიის კრიტიკას დაუთმო.
,,მან პრესკონფერენციის დიდი ნაწილი მიუძღვნა ისევ და ისევ ,,ნაციონალურ მოძრაობას", ასევე დიდი ნაწილი მიუძღვნა მედიას და კარგად გამოჩნდა მისი განწყობა, რომ მას არ სურს ქვეყანაში არსებობდეს რეალური ოპოზიცია და მას არ სურს ქვეყანაში არსებობდეს რეალური მედია, რომელიც აკრიტიკებს და ანგარიშვალდებულს ხდის საქართველოს ხელისუფლებას", _ განაცხადა მინაშვილმა.
