საქართველოს ფინანსური მონიტორინგის სამსახური ეროვნული ბანკის სტრუქტურული ერთეული აღარ იქნება.
შესაბამისი ცვლილება შედის "უკანონო შემოსავლების ლეგალიზაციის აღკვეთის ხელშეწყობის შესახებ" კანონში, რომელიც პარლამეტის საფინანსო-საბიუჯეტო კომიტეტმა დღევანდელ სხდომაზე მეორე მოსმენით განიხილა.
საკანონმდებლო ინიციატივის ავტორი ამავე კომიტეტის თავმჯდომარე დავით ონოფრიშვილია.
როგორც დავით ონოფრიშვილმა განაცხადა, საერთაშორისო ორგანიზაციების წარმომადგენლებთან გამართული კონსულტაციების შედეგია ის ფაქტი, რომ მონიტორინგის სამსახური გამოდის ეროვნული ბანკის დაქვემდებარებაში და იგი გადაინაცვლებს აღმასრულებელ სტრუქტურაში, როგორც დამოუკიდებელი ინსტიტუტი. ეს სამსახური პირდაპირ დაექვემდებარება პრემიერ-მინისტრს, როგორც ეს არის ბევრ სხვა ქვეყანაში.
„ვფიქრობ, ამ პირობებში აღმასრულებელი მონიტორინგის სამსახურის საქმიანობა უფრო წარმატებული იქნება", - განაცხადა მან.
კანონპროექტი განსახილველად პარლამენტის პლენარულ სხდომას წარედგინება.
