ხვალ, 19 მარტს, ბრიტანეთის საბჭო, საქართველოს კინემატოგრაფიის ეროვნული ცენტრი და თეატრისა და კინოს სახლმწიფო უნივერსიტეტი გიწვევთ პროეტქზე „გამოძახილი", რომლის მიზანია კულტურათაშორისი დიალოგის წახალისება, ჩვენს რეგიონში არსებული კონფლიქტების ირგვლივ დისკუსიის გამართვა და წვლილის შეტანა იმ საერთო საქმეში, რასაც ნებისმიერი კონფლიქტის მშვიდობიანი გზით მოგვარება ჰქვია.
ასევე მნიშვნლოვანია მივმართოთ საზოგადოების მზერა ხელოვნებისადმი და გამოვყოთ კინომატოგრაფი, როგორც საშუალება სათუთ და მტკვნეულ საკითხებზე მსჯელობისა და სხვადასხვა ეთნიკურ ჯგუფებს შორის დიალოგის წარმართვისა.
ნაჩვენები იქნება 2 თემატური მხატვრული ფილმი, რის შემდეგაც გაიმართება დისკუსია იმ მწვავე საკითხებზე, რომელიც აწუხებს ქართულ საზოგადოებას. საუბარი შედგება ფილმების პროდიუსერ დონ მოლანს, სტუდენტებს და მოწვეულ სტუმრებს შორის.
ფილმი 1
"სისხლიანი კვირა"
დიდი ბრიტანეთი - ირლანდია, 2002
სისხლიანი კვირა არის ფილმი ომზე, რომელიც ასახავს მშვიდობისათვის ბრძოლას
1972 წლის 30 იანვარს ბრიტანელმა ჯარისკაცებმა დახვრიტეს 13 მშვიდობიანი დემონსტრანტი ჩრდილოეთ ირლანდიის ქალაქ დერიში. ეს დღე, სისხლიანი კვირა აღმოჩნდა გადამწყვეტი ჩრდილოეთ ირლანდიის კონფლიქტისათვის, რომელიც დაპირისპირებიდან სამოქალაქო ომში გადაიზარდა. ფილმი წარმოადგენს ემოციურ მოგზაურობას იმ მოვლენების ქარცეცხლში, რომელბმაც მიიყვანა ქვეყანა ამ ტრაგიკულ თარიღამდე, როდესაც საპროტესტო აქციას აქტივისტ ივან კუპერის თაოსნობით ასე სასტიკად გაუსწორდნენ ბრიტანელი ჯარისკაცები.
ფილმი 2
"ნეტარების 5 წუთი"
დიდი ბრიტანეთი - ირლანდია, 2009
ჩრდილოეთ ირლანდია, 1975 წელი. მძინვარებს სამოქალაქო ომი. ირლანდიის განმათვაისუფლებელი არმია ებრძვის ბრიტანელ ლოიალისტებს, რომლებიც თავის მხრივ ემტერებიან კათოლიკეებს როგორც მეამბოხე რესპუბლიკელებს. თექვსმეტი წლის ალისტერსა და მის ბანდას უკვეთავენ ახალგაზრდა კათოლიკეს ჯეიმს გრიფინის მკვლელობას. სისხლიან დაპირისპირებას შეესწრება ჯო გრიფინი, მსხვერპლის თერთმეტი წლის ძმა. ოცდაათი წლის შემდეგ ჯო გრიფინი და ალისტერი შერიგების მიზნით პირდაპირ ეთერში უნდა შეხვდნენ ერთმანეთს. ალისტერმა საკუთარი სასჯელი მოიხადა და ჩრდილოეთ ირლანდიაშიც მშვიდობამ დაისადგურა, მაგრამ გადამღებმა ჯგუფმა არ იცის რომ ჯო გრიფინი არ მოდის ღია ეთერში ძმის მკვლელთან შესარიგებლად. მას თან დანა აქვს იმისათვის, რომ შური იძიოს ძმის მკვლელზე პირდაპირ ეთერში.