რუსეთის საზოგადოებრივი ორგანიზაციის დემოკრატიული კავშირის ხელმძღვანელის ვალერია ნოვოდვორსკაიას და ჟურნალ "ამერიკა ილუსტრეიდის" რედაქტორის კონსტანტინ ბოროვიოსთან რუსთავი 2-ს სახელით ჩაწერილი ინტერვიუები რუსეთის მოღალატეების შესახებ ფილმში მოხდება.
აღნიშნულის შესახებ რუსთავი 2-ს ნოვოდვორსკაიამ აცნობა.
მისი ინფორმაციით, მას ჟურნალისტები ტელეკომპანია "რუსთავი 2"-ს სახელით დაუკავშირდნენ და საქართველოში ვიზიტის და "მოდელირებული ქრონიკის" შესახებ ინტერვიუები ჩაწერეს.
"მათი აზრით ჩვენ მოღალატეები ვართ და მტრის, ანუ საქართველოს მხარეს ვიმყოფებით. არ ვიცით, რომელი რუსული არხიდან იყვნენ, რადგან იციან, რომ მათ გარდა პირდაპირი ეთერისა ინტერვიუს არ ვაძლევთ. არ მესმის რის გაგება უნდათ. თუმცა, მათ ერთი საკითხი - ტელეკომპანია "იმედის" "მოდელირებული ქრონიკაზე" ჩემი აზრი აინტერესებდათ. მე ვუთხარი, რომ წარმოუდგენელია ამის შესახებ საქართველოს პრეზიდენტ მიხეილ სააკაშვილს სცოდნოდა, რადგან არც ერთი ქვეყნის პრეზიდენტს არ უნდა მისი ჯარი მტრის მხარეს გადავიდეს და თავად მოკლულად გამოაცხადონ. ჩვენ ინტერვიუებს მალე ალბათ რომელიმე რუსული არხით ვიხილავთ", აღნიშნა "რუსთავი 2"- თან სატელეფონო საუბრისას ნოვოდვორსკაიამ.
კონსტანტინ ბოროვიოს განცხადებით, კი ჟურნალისტებს, რომლებმაც თავი ქართული ტელეკომპანიის თანამშრომლებად გაასაღეს უახლესი ტექნიკა ჰქონდათ, როგორიც მხოლოდ ORT-ს და მესამე არხს აქვს.
"მათ განსაკუთრებული ინტერესი ჩვენი საქართველოში ვიზიტის შესახებ ჰქონდათ", - აღნიშნა ბოროვიომ.