საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ წარსაგზავნი დიპლომატიური თანამდებობის პირების შესარჩევმა კომისიამ ჩაატარა შიდა კონკურსი საზღვარგარეთ საქართველოს დიპლომატიური წარმომადგენლობების საროტაციო თანამდებობებზე.
საგარეო საქმეთა სამინისტროს ინფორმაციით, კომისიის მიერ მოხდა საროტაციო თანამდებობისა და მსურველი კანდიდატების შესაბამისი განაცხადების განხილვა. შედეგად 23 თანამდებობაზე შეარჩია შესაბამისი კანდიდატურები.
ამასთან აღსანიშნავია, რომ შერჩეული 23 კანდიდატიდან 18 დიპლომატისთვის ეს იქნება პირველი როტაცია მისი დიპლომატიურ სამსახურში მუშაობის განმავლობაში, ხოლო დანარჩენ 5 შერჩეულ კანდიდატს უკვე აქვს სხვა ქვეყნებში როტაციაში ყოფნის გამოცდილება.
შესარჩევი კომისიის შემადგენლობაში საგარეო საქმეთა მინისტრი მაია ფანჯიკიძე, მინისტრის მოადგილეები და ცალკეული დეპარტამენტის ხელმძღვანელები შედიან.
