12 მარტს საქართველოს ელჩმა ლევან ცინცაძემ რწმუნებათა სიგელები გადასცა მის უდიდებულესობა იმპერატორ აკიჰიტოს. ღონისძიების ფარგლებში გაიმართა ლევან ცინცაძის გასაუბრება იაპონიის იმპერატორთან, რომელმაც აღნიშნა, რომ საქართველოს ახალი ელჩის იაპონიაში მრავალწლიანი, წარმატებული მოღვაწეობის გამოცდილება ხელს შეუწყობს საქართველო-იაპონიას შორის არსებული მეგობრული კავშირების გაღრმავებას. შეხვედრის დასასრულს მისმა უდიდებულესობამ წარმატებული დიპლომატიური მისია უსურვა საქართველოს ელჩს, რომელმაც თავის მხრივ ორმხრივი ურთიერთობების გაღრმავების ხელშეწყობის სურვილი გამოთქვა.
იაპონიის მინისტრთა კაბინეტიდან საიმპერატორო სასახლეში გამართულ ცერემონიას ესწრებოდა იაპონიის მიწის, ინფრასტრუქტურის, ტრანსპორტის და ტურიზმის მინისტრ აკიჰორი ოტა, რომელთანაც რწმუნებათა სიგელების გადაცემამდე გაიმართა საქართველოს ელჩის გაცნობითი შეხვედრა.