გერმანიის ფედერაციულ რესპუბლიკაში საქართველოს ელჩი ლადო ჭანტურია გერმანიის ბუნდესტაგის წევრს მწვანეთა პარტიის საგარეო პოლიტიკურ სპიკერს აღმოსავლეთ ევროპისა და სამხრეთ კავკასიის საკითხებში მარილუიზ ბეკს შეხვდა.
საგარეო საქმეტა სამინისტროს ინფორმაციით, შეხვედრაზე მხარეებმა საქართველო-გერმანიის ურთიერთობის საკითხები განიხილეს.
საუბარი შეეხო გერმანიის მხარდაჭერას საქართველოს ევროპული და ევროატლანტიკური ინტეგრაციის გზაზე. ბუნდესტაგის დეპუტატის მხრიდან აღინიშნა ის პროგრესი, რასაც საქართველომ მიაღწია ევროინტეგრაციის მიმართულებით. დეპუტატი ბუნდესტაგის საგარეო ურთიერთობათა კომიტეტში საქართველოს საკითხის განხილვის ინიციატივით გამოვიდა.
აღსანიშნავია, რომ მწვანეთა პარტიის საგარეო პოლიტიკური სპიკერი მარილუიზ ბეკი გასულ კვირას საქართველოში ვიზიტით იმყოფებოდა, რომლის დროსაც მან შეხვედრა გამართა საქართველოს სააგრეო საქმეთა მინისტრთან მაია ფანჯიკიძესთან.
