წარმომადგენლობით პალატაში სიტყვით გამოსვლისას კანადის პრემიერ-მინისტრმა სტივენ ჰარპერმა პარალელი გაავლო რუსეთსა და ფაშისტურ გერმანიას შორის.
მან აღნიშნა, რომ რუსეთმა მიიღო გადაწყვეტილება მეზობელ ქვეყანაში შეჭრისა და მისი ოკუპაციის შესახებ, ეთნიკურ უმცირესობაზე იურისდიქციის გასავრცელებლად.
კანადის პრემიერ-მინისტრის სტივენ ჰარპერის განცხადებით, მან გასცა განკარგულება რუსეთის სამხედრო ძალებთან ყოველგვარი ორმხრივი კონტაქტების შეჩერების შესახებ.
„ჩვენ ვაგრძელებთ უკრაინაში მიმდინარე ვითარების დაკვირვებას და ღრმა შეშფოთებით გავაგრძელებთ ჩვენი ურთიერთობების გადახედვას პრეზიდენტ პუტინის ხელისუფლებასთან", - განაცხადა კანადის პრემიერმა.
შეგახსენებთ, რომ აშშ-მ უკვე გააკეთა განცხადება რუსეთთან სავაჭრო და სამხედრო ურთიერთობების შეჩერების შესახებ.
მასალის გამოყენების პირობები