ყირიმში რუსეთის შავი ზღვის ფლოტის სარაკეტო კატერმა უკრაინის სასაზღვრო გემების გასვლა დაბლოკა. ინფორმაციას ამის შესახებ უკრაინული მედია ავრცელებს. ამას გარდა, მათივე ინფორმაციით, ქალაქ სევასტოპოლის ქუჩებში კიდევ ერთი რუსული ჯავშანმანქანა გამოჩნდა.
„რუსული შავი ზღვის ფლოტის სარაკეტო კატერი სევასტოპოლთან ახლოს ბალაკლავის ყურეში შევიდა, რითიც ფაქტობრივად უკრაინის სახელმწიფო სასაზღვრო სამსახურის კატერებსა და გემებს ზღვაში გამოსასვლელი ჩაუკეტა",_ წერს უკრაინული მედია წყაროზე დაყრდნობით და იქვე აღნიშნავს, რომ ის ამ ინფორმაციის გადამოწმებას ყირიმში ბაზირებული რუსლი შავი ზღვის ფლოტის სამსახურში ცდილობს, თუმცა მათ ზარებს არავინ პასუხობს.