საქართველოს ექს-პრეზიდენტი მიხეილ სააკაშვილი რუსეთის მხრიდან უკრაინის მიმართ აგრესიის განხორციელების მაღალ ალბათობაზე საუბრობს. უკრაინული მედიის ინფორმაციით, სააკაშვილმა კიევში ჟურნალისტებს კითხვაზე პასუხისას რამდენად დიდია აგრესიის ალბათობა რუსეთის მხრიდან უპასუხა:
„მიმაჩნია, რომ ის ძალიან მაღალია, იმიტომ, რომ პუტინი აფხაზეთში, დნესტრისპირეთსა და სამხრეთ ოსეთში მიღებული გამოცდილებით მოქმედებს".
სააკაშვილი აცხადებს, რომ ვლადიმერ პუტინს ახლა ორი რამ აქვს მომზადებული - ქაოსი კიევში და სეპარატიზმი ყირიმში.
„პუტინი ფიქრობს, რომ მა დაკარგა უკრაინა, ამიტომაც მას ერთი რეცეპრო აქვს -ქაოსი კიევში, რაც უფრო ხანგრძლივვადიანი, მით უკეთესი, იმისათვის, რომ უკრაინელი პოლიტიკოსები ერთმანეთს გადაეკიდონ და ყველას დაანახონ რომ შეუძლებელია უკრაინაში ორგანიზებული დემოკრატია იყოს. მეორე კი - ეს სეპარატიზმია ყირიმში",_ განაცხადა სააკაშვილმა და აღნიშნა, რომ ამავე დროს, დრო უკრაინის ხელისუფლების წინააღმდეგ მოქმედებს.
„იმიტომ, რომ პუტინი მოქმედებს სწრაფად და უკრაინაშიც ასევე სწრაფად უნდა მოილაპარაკონ".
