აშშ-ის სახელმწიფო დეპარტამენტი მხარს უჭერს ნატოს გაფართოებას და მზადაა ალიანსის ბრიტანეთში დაგეგმილ სამიტზე საქართველოსთვის "მაპის" მინიჭებას დაუჭიროს მხარი.
ჯონ ქერის უწყებამ 40 სენატორის მიერ თებერვლის დასაწყისში გაგზავნილ წერილს უპასუხა, სადაც ისინი 2014 წლის ლონდონის სამიტზე საქართველოსთვის ნატო-ში გაწევრიანების სამოქმედო გეგმის მინიჭების მხარდაჭერას ითხოვდნენ.
"საქართველო განაგრძობს წინსვლას რეფორმების საკითხში. ჩვენ აღფრთოვანებული ვართ საქართველოში 2013 წელს ჩატარებული საპრეზიდენტო არჩევნების ადმინისტრირებით და ვაღიარებით მის უდიდეს კონტრიბუციას ნატოს, კონკრეტულად "აისაფის" ოპერაციებში. ამ და სხვა სფეროებში საქართველომ დაამტკიცა, რომ არის უნარიანი და ერთგული პარტნიორი ოპერაციებისას. გვჯერა, რომ საქართველო იმსახურებს ნდობას ნატო-ს მომავალ სამიტზე იმ პროგრესისთვის, რომელსაც მან მიაღწია და და ასევე იმ ერთგულებისთვის, რომელსაც ნატო-ს ოპერაციებისა და სტანდარტებისადმი იჩენს. ჩვენ მხარს ვუჭერთ საქართველოს მცდელობებს მიაღწიოს შეთანხმებას ალიანსთან და მიიღოს მაპი", _ ნათქვამია სახელმწიფო დეპარტამენტის მიერ მომზადებულ წერილში.