საქართველოს ექს-პრეზიდენტის მიხეილ სააკაშვილის განცხადებით, უკრაინაში სხვადასხვა მაღალ თანამდებობაზე შეთავაზება მიიღო. როგორც სააკაშვილმა "რუსთავი 2"-ის გადაცემა "არჩევანში" ჩართვისას განაცხადა, აღნიშნულის მიუხედავად, მას ასეთი გეგმები არ აქვს, რადგან მისი "არსებობა ეკუთვნის საქართველოს".
"პარადოქსული წინადადებები იყო, მათ შორის მაღალი თანამდებობების დაკავების შესახებ, მათ შორის ღიადაც და ისე, ლაპარაკებშიც, მაგრამ, რა თქმა უნდა, მე ასეთი გეგმები არ მაქვს. მე ვუთხარი მათ, რომ ჩემი გული აქ არის, რადგან ჩვენი ბრძოლა აქ არის, მაგრამ ჩემი არსებობა ეკუთვნის საქართველოს. რჩევითაც და ყველაფრითაც დავეხმარები, მაგრამ მათ გასაკეთებელ საქმეს ჩვენ ვერ გავაკეთებთ და მათი გასაკეთებელი საქმეა სწრაფი რეფორმები", - განაცხადა სააკაშვილმა და დასძინა, რომ რევოლუციის პერიოდში უკრაინის ოპოზიციონერ ლიდერებთან ტელეფონით ყოველდღე საუბრობდა.
