შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი რუსი ოკუპანტების მიერ აფხაზეთის სირღმეში 11-კილომეტრიანი უსაფრთხოების ზონის შემოწევასთან დაკავშირებით აცხადებს, რომ მიუხედავად იმისა, რომ ოლიმპიური თამაშები დასრულებულია, ახლა სოჭში პარაოლიმპიური თამაშები უნდა გაიმართოს და ამ მიმართულებიდან გამომდინარე უსაფრთხოების ღონისძიებები გრძელდება.
ზაქარეიშვილი აღნიშნავს, იმასაც რომ ზედმეტ ემოციებს აჯობებს 21 მარტამდე მოვიცადოთ, მით უფრო, რომ მისივე თქმით, ამას აკვირდება აფხაზური საზოგადოებაც და ეს ფაქტი მათთვისაც დამაფიქრებელი და შემაშფოთებელია.
ზაქარეიშვილი ასევე აცხადებს, რომ: „ჯერ ერთი საუბარი არის არა საზღვარზე, არამედ უსაფრთხოების ზონაზე. კარგად ვიცი რაც ხდება იქ, მაქვს კონტაქტი აფხაზურ მხარესთან და შეიძლება ითქვას, ზედმიწევნით კარგად ვიცი როგორ გამოიყურება ყველაფერი ეს.
საქართველოს სახელმწიფო საზღვრის სიღრმეში ანუ რუსეთ- საქართველოს სახელმწიფო საზღვრის სირღმეში 11 კილომეტრის ზონაში არსებობს ანუ აღიარებულია, რომ არსებობს უსაფრთხოების ზონა, რომელიც თვალნათლივ არაფრით არ ჩანს, არაფრით არ გამოიხატება",_ აცხადებს ზაქარეიშვილი და განმარტავს, რომ ამ 11 კილომეტრიან ზონაში მოქმედებს ე.წ. კომენდანტის საათი ანუ რუს ოკუპანტებს, ჯარისკაცებს შეუძლიათ გააჩერონ ნებისმიერი ადამიანი, გაუჩხრიკონ ჩანთა, შეუძლიათ ბინაში შევიდნენ, სახლში შევიდნენ ამ 11 კილომეტრიან ზონაში.
„სხვა რამ ხილული ნიშნები, გარდა იმისა, რომ შესაძლოა გზაზე იდგეს რამე სამხედრო მანქანა, რომელმაც შეიძლება გააჩეროს სხვა მანქანა და შეამოწმოს სხვა რამ ხილული ნიშნები იქ არ ჩანს.
მიუხედავად იმისა, რომ ეს უკანონო ქმედებაა და რუსეთმა თავის თავზე აიღო თვითნებურად და სულ არ შეუთანხმა საქართველოს მთავრობას სოჭის ოლიმპიადის კონტექსტიდან გამომდინარე უსაფრთხოების ზომები, ეს არის რა თქმა უნდა ოკუპაცია, ოკუპანტის ოკუპაციური რეჟიმის გაგრძელება, მიუხედავად იმისა ხილული იქ ნიშნები არაფერი არ არის.
მიუხედავად იმისა, რომ ეს უკანონო ქმედებაა, გაცხადებული იყო, რომ იქ 21 მარტამდე გაგრძელდებოდა ეს რეჟიმი.
ამას აკვირდება აფხაზური საზოგადოებაც, იმიტომ, რომ მათთვისაც ეს დამაფიქრებელი და შემაშფოთებელია და გეტყვით, რომ ნამდვილა მოდის აფხაზეთიდან ასეთი სიგნალები.
მე მაინც მგონია, რომ გადამეტებულ ემოციებს ჯობია, რომ დაველოდოთ 21 მარტამდე.
იმიტომ, რომ სოჭში კი დასრულდა ოლიმპიური თამაშები, მაგრამ იქ კიდევ უნდა ჩატარდეს პარაოლიმპიური თამაშები და ამ მმართულებიდან გამომდინარე უსაფრთხოების ღონისძიებები გრძელდება. საქართველო დაინტერესებულია, რომ პარაოლიმპიური თამაშბი ჩატარდეს უსაფრთხო რეჟიმში რათა ეს შეიძლება ითქვას ჩვენს ღირსებაზე მეტყველებს", _ აცხადებს მინისტრი და აღნიშმნავს, რომ რადგან საქართველო შეიძლება ითქვას ერთადერთი სახელმწიფოა რომელიც ესაზღვრება ოლიმპიურ თამაშებს და ჩვენ გვინდა, რომ მსოფლიომ დაინახოს, რომ მიუხედავად ოკუპაციისა და იმისა, რომ საქართველოსა და რუსეთს შორის არ არსებობს დიპლომატიური ურთიერთობები, ჩვენ ვმონაწილეობთ საერთაშორისო მნიშვნელობის პროექტში, როგორიც არის ოლიმპიური თამაშები და ჩვენ გვინდა, რომ ამ თამაშებმა ჩაიარონ უსაფრთხოდ რეგიონში, რათა საქართველომ თუ შეიძლება ასე ითქვას „თავისი წილი აღიარება მიიღოს და თქვან, რომ ჩვენ ვართ იმ დონის ქვეყანა ცივილიზებულ სამყაროში რომელიც თამაშობს ცივილიზებული მეთოდებით",_ აცხადებს ზაქარეიშვილი.