პრემიერ-მინისტრის ირაკლი ღარიბაშვილის განცხადებით, მთავრობა, ყველაფერს იღონებს იმისათვის, რომ საქართველოში ევროპული სტანდარტესბის შესაბამისი ადამიანის უფლებები დამკვიდრდეს. როგორც ღარიბაშვილმა საქართველოს მთავრობის მიერ ადამიანის უფლებათა საკითხებში ეროვნულ სტრატეგიას და სამოქმედო გეგმას წარადგენის პრეზენტაციაზე განაცხადა მთვრობის სტრატეგია შვიდ წლიანი.
,,სულ მალე, როდესაც ამოქმედდება მაღალი სტანდარტის სამოქმედო გეგმა, ყველა დარწმუნდება, რომ ჩვენი მთავრობა, ჩვენი პოლიტიკური გუნდი ძალისხმევას არ დაიშურებს და ყველაფერს იღონებს იმისათვის, რომ საქართველოში ერთხელ და სამუდამოდ დამკვიდრდეს ევროპული სტანდარტესბის შესაბამისი ადამიანის უფლებები და აშენდეს რეალურად ისეთი მყარი დემოკრატიული ინსტიტუტები, რომელთა მოშლასაც ვეღარ შეძლებს ვერც ერთი პოლიტიკური ძალა.ადამიანის უფლებების დაცვის ეროვნული სტრატეგია, რომელსაც ამტკიცებს პარლამენტი, 7-წლიანია, რაც იმას ნიშნავს, ის არ იქნება პოლიტიკურ ციკლზე დამოკიდებული. ეს გადაწყვეტილებაც და დღევანდელი დღეც იმის დასტურია, რომ ჩვენი ხელისუფლება ნაბიჯ-ნაბიჯ, თანამიმდევრულად საძირკველს უყრის ისეთ სახელმწიფოს, რომ ვერანაირმა პოლიტიკურმა ცვლილებებმა მომავალში ვეღარ მოახდინოს გავლენა ადამიანის ფუნდამენტურ უფლებებსა და თავისუფლებებზე", _განაცხადა ღარიბაშვილმა.
