,,ნაცმოძრაობის წევრი" ზურაბ ჯაფარიძე საქართველოში ევროკავშირის სადამკვირვებლო მისიის ხელმძღვანელის მოადგილის თანამდებობაზე რაიან გრისტის დანიშვნას გამოეხმაურა.
ჯაფარიძემ ხელისუფლებას მოუწოდა გამოყენოს ყველა ბერკეტი იმისთვის რომ გრისტმა დატოვოს არა მხოლოდ ევროკავშირის სადამკვირვებლო მისია, არამედ საქართველო.
,,ამ ადამიანის რეპუტაცია ცნობილია როგორც ქვეყნის შიგნით ისე ქვეყნის გარეთ, ვინც თვალყურს ადევნებდა 2008 წლის აგვისტოში რუსეთის მიერ საქართველოს წინააღმდეგ განხორციელებულ სამხედრო აგრესიას. გრისტი მაშინ იკავებდა საქართველოში ეუთოს მისიის საკმაოდ მაღალ თანამდებობას და იგი ომის დღეებშივე იქცა მთავარ ინსტრუმენტად რუსეთის მიერ წარმოებულ პროპაგანდისტულ საინფორმაციო ომში. იგი ომის დამთავრების შემდეგ ეუთოს მისიის მოთხოვნით გაყვანილ იქნა საქართველოსგან. ჩვენ ვთვლით, რომ ევროკავშირის სადამკვირვებლო მისია არის საკმაოდ მნიშვნელოვანი ინსტრუმენტი რომელიც ჩვენი ქვეყნის ხელში დღეს არსებობს და ის დიდ როლს ასრულებს საქართველოს ეროვნული უსაფრთხოების საქმეში.ამავე დროს, მოუწოდებთ საქართველოს მთავარობას გამოიყენოს ყველა ის ბერკეტი რათა გრისტმა დატოვოს არა მხოლოდ ევროკავშირის სადამკვირვებლო მისია, არამედ საქართველო", _განაცხადა ჯაფარიძემ.
