ირაკლი ღარიბაშვილი სლოვაკეთის საგარეო საქმეთა მინისტრ მიროსლავ ლაიჩაკს შეხვდა. შეხვედრა მიუნხენში, უსაფრთოხების კონფერენციის ფარგლებში გაიმართა. მხარეებმა განიხილეს საქართველოსა და სლოვაკეთის რესპუბლიკას შორის არსებული ურთიერთობა. განსაკუთრებული ყურადღება დაეთმო საქართველოს ევრო-ატლანტიკურ სტრუქტურებში ინტეგრაციის პროცესს, ასოცირების შეთანხმების ხელმოწერის საკითხსა და მასთან დაკავშირებულ პროცესებს.
ირაკლი ღარიბაშვილმა და მიროსლავ ლაიჩაკმა ისაუბრეს საქართველო-ნატოს თანამშრომლობაზე საკითხზე და ალიანსში ინტეგრაციის გზაზე საქართველოს მიერ დაფიქისრებულ მნიშვნელოვან პროგრესზე.
შეხვედრაზე ასევე მიმოიხილეს რუსეთან ურთიერთობის საკითხები, საქართველოს ოკუპირებულ რეგიონებში არსებული რთული ვითარება. სლოვაკურმა მხარემ კიდევ ერთხელ დაადასტურა თავისი მხარდაჭერა საქართველოს ტერიტორიული მთლიანობისა და სუვერენიტეტის მიმართ.
ხაზი გაესვა ორ ქვეყანას შორის სხვადასხვა სფეროში თანამშრომლობის გაღრმავების აუცილებლობას. გამოითქვა საქართველოსა და სლოვაკეთს შორის ეკონომიკური ურთიერთობების შემდგომი გააქტიურების სურვილი. ისაუბრეს თავდაცვისა და უსაფრთხოების სფეროში შემდგომი თანამშრომლობის საკითხებზე.
მასალის გამოყენების პირობები
