თბილისის საკრებულოს თავმჯდომარე, ირაკლი შიხიაშვილი ნაციონალური მოძრაობის იმ განცხადებას გამოეხმაურა, რომლის მიხედვითაც თბილისის მერია დედაქალაქის მთავრობის გადადგომის სანაცვლოდ მას წინაპირობას უყენებს და საკრებულოსა და კომისიების თამჯდომარეებს გადადგომისკენ მოუწოდებს.
შიხიაშვილის თქმით, განცხადება არაადეკვატურია და საკრებულოს კორექტულ შეთავაზებასთან საერთო არაფერი აქვს.
"მე მათგან ჩვეული ვარ არაადეკვატურ განცხადებებს, თუმცა დღევანდელი შეთავაზების შემდეგ ქალბატონი სევდიასა და მისი გუნდის წევრების მხრიდან ამ დონის ბოდვას არ ველოდი. მინდა შევახსენო მათ, რომ ჩვენი შეთავაზება იყო კორექტული და საქმიანი, და გამომდინარე იქიდან, რომ ამ ადამიანებს 50 მილიონის ქურდობისთვის ბრალდებული გურუ მართავდა და დღესაც მართავს, მათთვის 800 მილიონიანი ბიუჯეტის მიცემა დიდ საფრთხეს წარმოადგენს თბილისელებისათვის", - განაცხადა საკრებულოს თავმჯდომარემ.
მასალის გამოყენების პირობები
